Duha ka mga Supermarket sa Bacolod City ang nag patuman sang ila nga commitment sa pagbaligya sang washed kag refned sugar sa 70 pesos ang kilo.
Suno sa Department of Trade ang Industry – Negros Occidental, sa ila nga monitoring sang Agosto 26, ang SM Supermarket ang naga baligya sang washed sugar sa 70 pesos ang kilo. Ang refined sugar naman nila depende sa brand may yara sang 92 pesos ang kilo kag 106 pesos ang kilo.
Ang Puregold naman, may refined sugar nga tag 70 pesos kada kilo. Pero sang tion sang monitoring wala sang supply. Ang washed sugar sa Puregold 78 pesos. May yara man sang 106 pesos nga refined sugar.
Ang Robinsons Supermarket naga baligya sang tig 96 pesos kag 102 pesos nga refined sugar. Ang washed sugar naman nla 78.25 ang kilo.
Paathag ni Romel Amihan ang Consumer Protection Head sang DTI sa probinsya, ang SM kag Robinsons Supermarket, Puregold kag SNR ang nag hatag sang commitment sa presidente nga sila ang maga baligya sang washed kag refined sugar sa 70 pesos ang kilo.
“Indi na isa sa mga commodity nga gina monitor sang DTI kay under na sa DA, pero last week we did monitoring sa sugar. Ang 70 pesos na siya may ara na commitment ang apat ka establishment sa office of the president nga mahatag sang 70 pesos”, suno kay Amihan.
Ini kasunod sang pag timbuok sang presyo sang kalamay sa local markets.
Ginsiling naman sang tagdumalahan sang Robinsons suno kay Amihan nga ang amo nga commitment nila para lamang sa mga supermarkets nila sa Manila kag wala nalakip ang sa mga probinsya.