Isa ka tanod sa barangay ang nagpasaka sang reklamu sa kapulisan kag Department of the Interior Local Government matapos gin-alegar ginbuyayaw kag ginpahug sang punong barangay sa Bacolod.
Nabaton na sang DILG-Bacolod ang reklamu sang barangay tanod nga si Antonio Bulacja, 62 anyos nga nag-alegar ginbuyayaw kag ginpahug nga basyahan kape kag sipaon ni Punong Barangay Noli Villarosa sa Barangay Tangub sang Lunes.
Suno kay Maredith Joy Madayag, pamuno sang DILG-Bacolod, madasun nga iga-endorso nila ang reklamu agud makuha man ang sabat halin sa ginareklamu nga punong barangay.ginpa-blotter man sang tanod ang natabo sa Police Station 8.
Suno naman kay Villarosa, handa siya nga atubangon ang mga reklamu.
Ginpanginwala niya ang tanan nga mga alegasyon sang tanod nga pila lang sa mga ginapatihan niya nagapamulitika.
Ginsiling man sang kapitan nga wala ginpahalin ang tag-reklamu nga wala man nagatuman sang nahatag sa iya nga responsibilidad sa barangay.