Punong barangay sang Barangay 10 sa Bacolod nga si Dexter Diogenes Yap ang nagtaliwan kagabi sa edad nga 59.
Suno sa barangay administrator nga si Marvi Vasquez, madugay na nga may yara sang balati-an nga diabetes si Yap.
Siya ang gindala sa ospital sang Domingo sang gab-i matapos magbatyag sang palanakit sa dughan kag respiratory failure ang nangin kabangdanan sang iya kamatayon.
Nagserbe si Yap bilang punong barangay humalin sang tuig dos mil trese.
Antes nangin kapitan, nangin numero uno man siya nga kagawad sang barangay.
Madamo sang nga mga kadalag-an nga naangkon sang Barangay 10 sa idalum sang pagpamuno ni Yap.
Pila diri amo ang Child-Friendly Barangay awardee, Regional Sandugo awardee sang Philippine Red Cross kag paglunsar sang kapistahan sang barangay nga gintawag sinadya sa dies.
Ginakabig ni Vasquez si Yap nga isa ka maayo nga punong barangay bangud wala ini nagapamulitika kag iya nga ginapamati-an ang iya mga kagawad bisan pa gikan sila sa la-in nga partido.