Patay si Police Lieutenant John Dale Mayo, 25-anyos nga katapo sang 2nd Provincial Mobile Force Company (PMFC) 3rd Maneuvering Platoon nga nakabase sa Brgy. Buenavista sa Guihulngan City.
Sa imbestigasyon sang PNP, pabalik na sa Brgy. Buenavista ang pulis gikan sa surveillance operation sa Brgy. Poblacion.
Paglab-ot niya sa kurbada, naglapaw ang iya motor kag nagdiretso sa sementado nga dingding sang banyo sa Larena Street, Brgy. Poblacion, Domingo pasado las dose sang kaagahon.
Gindala ang biktima sa Guihulngan District Hospital apang gindeklarar ini nga dead-on-arrival.