Nagbato kag natiruhan sang buy-bust suspect ang police operative sang Police Station 9 sa atubang sang motel, Barangay Singcang-Airport sa Bacolod City, Huwebes sang gab-i.
Nag-gabot sang caliber .45 pistol ang 32-anyos nga suspek kag gintiro ang biktima nga si Police Master Sergeant Romulo Galvez, miyembro sang Station Drug Enforcement Team.
Naigo sang bala ang pulis sa iya natu-o nga pa-a.
Gindala ang pulis sa Bacolod Adventist Medical Center apang siya ang nagtaliwan pasado las 12 sang kaagahon sini nga Biyernes bangud sang “hypovolemic shock secondary to a gunshot wound”.
Samtang, nadakpan ang suspek kag narekober sa iya ang lima ka pakete sang suspected marijuana nga nagabalor P48,000, magazine kag lima ka mga bala.
Sa pahayag ni Bacolod Mayor Greg Gasataya, ila ginakundinar ang pagpatay kay Police Master Sergeant Galvez, nga sa amo nga adlaw antes sang buy-bust operation, ang nakaserbe pa sang madamo nga mga warrants of arrest.
Naghatag ang siudad sang bulig pinansyal sa nalisdan nga pamilya ni Galvez, nga anay miyembro sang SWAT.*
[sibwp_form id=1]