Robbery kag extortion ang kaso nga paga-atubangon sang isa babaye nga police corporal matapos nga ginreklamo ini sang isa ka 30-anyos nga aplikante sang Philippine National Police sa pagpangilkil.
Ini ang ginkumpirmar ni Bacolod City Police Office Director Police Colonel Eugene Rebadomia.
10,000 pesos ang una nga ginbayad sang aplikante sa pulis kag nanukot pagid ini sang dugang nga 40,000 pesos agud makasulod sa recruitment. Sang nag pa gwa ang PNP sang listahan sang mga nakapasar sa neurological examination, wala madala ang complainant, rason nga nagreklamo na siya.
Dugang ni Rebadomia, indi man taga Bacolod ang complainant apang sa Police Station 4 ini nag reklamo, rason nga gin-lobby sang BCPO ang kaso.
Natukiban nga sa Police Regional Office Negros Island Region na-assign ang natungdan nga pulis.
Nagapahanumdom naman ang director sa mga aplikante nga likawan ang mga iligal nga pamaagi agud makasulod sa PNP kag magsalig lamang sa ila kaugalingon nga kapasidad kag dokumento.
Sa karon, ginpaidalum na sang PRO-NIR sa restrictive custody ang nasambit nga police corporal kag gin pa-surrender na ang iya armas samtang nagapadayon pa ang imbestigasyon sa iya nga kaso.
“Sa tanan nga aplikante sa Bacolod City, gina-recommend gid naya naton kay ang amon amo gid mana nga I recommend namon para I-continue nila ang processing pero wala taya capacity nga magpasulod sa isa ka applicant”, suno kay Rebadomia.*
[sibwp_form id=1]