Nagdinalagan ang katapo sang Coast Guard Station Southern Negros Occidental padulong sa baybay matapos makabaton sang distress call sa Poblacion Beach sa Barangay 5 sa Sipalay City, Huwebes nga adlaw.
Suno sa report, nagapaligo sa baybay ang 39-anyos nga Police Staff Sergeant kag ang iya 16-anyos nga bata nga babaye, pareho residente sang Silay City, Negros Occidental.
Apang ginbutong sila padalum sang mabaskog nga current kag dalagko nga balod.
Matapos ang Search and Rescue operation, tigayon nga nadala sang coast guard personnel kag CDRRMO Sipalay ang duha ka mga biktima sa higad sang baybay nga safe kag conscious.
Gindala ang mag-amay sa City Health Office sang Sipalay para mahatagan sang nagakaigo nga medical attention kag karon ang na-discharge na.
Nagpasalamat ang pamilya sang pulis kag iya bata sa Coast Guard sa pag-rescue sang ila himata.