Karon nga mabatyagan na ang tuman nga kainit, publiko ang gina abisuhan nga mag hydrate, ukon mag inom sang madamo nga tubig.
Naga abiso si Dr Mary Ann Maestral ang chief of hospital sang Teresita Lopez Jalandoni Provincial Hospital nga importante nga mag inom sang tubig ukon mag hydrate kun tuman ka init sang panahon.
Sini nga bulan sang Marso suno sa iya nabatyagan na ang pag biti sang init.
Dugang pa niya, likawan ang direct exposure sa initan humalin las 10 sang aga tubtob las 3 sang hapon.
Kun indi malikawan dapat nga mag pamayong.
Importante man nga may ventilation ukon may maayo nga alagyan sang hangin ang lugar nga gina teniran.
Mas maayo pa gid nga magpaligo adlaw-adlaw kag mag panibin sa gab-i para malikawan man ang masakit dala sang tig-ilinit labi na ang masakit sa panit.
“Number 1, hydrate, hydrate, hydrate. Indi gid mag lipat mag inom tubig. Kada oras, dumdumon ta gid pag nag batyag ka dapya sang init, inom ka gid dayon tubig. Mabatyagan mo gid ma cool down ka. Tapos kun pwede stay away sa direct nga init, especially 10 am to 3pm sa hapon”, suno kay Maestral.