Sa madason nga semana natalana ang public hearing para sa EB Magalona para sa Negros Bulk Water Supply Project.
Sa Mayo 20, sa Brgy San Isidro covered court sa banwa sang EB Magalona patigayunon sang Department of Environment and Natural Resources – Environmental Management Bureau – Negros Island Region ang public hearing para sa Negros Bulk Water Malogo River Project.
Suno sa DENR- EMB tuyo sang hearing nga mapatuman ang exchange sang information kag mga views sa tunga kag mismo sa mga proponent sang programa, mga government agencies, LGUs kag iban pa gd nga stakeholder may kaangtanan sa environmental impact sa gina duso nga proyekto.
Ang Negros Occidental nga amo ang proponent ang naga apply sa karon sang Environmental Compliance Certificate.
Ginsiling ni Provincial Administrator Rayfrando Diaz nga ang public hearing kabahin sang ila nga compliance sa rekisitos sa pag apply sang ECC.
Damlag pa, nag patigayon man sang public hearing sa Brgy Guimbalaon sa Silay City para sa proposed site sa Imbang Watershed-Hinalinan River Project.
Ini kag ang sa Malogo River ang duha ka mga sites sa gina duso sang Bulk Water Project sang Negros Occidental.
Suno kay Diaz maga sige ang probinsya sa pag comply sa legal requirements – matigayon man ang proyekto sa sini nga administrasyon ukon indi.*
[sibwp_form id=1]