Gina abi abi ni Wennie Sancho, secretary general sang General Alliance of Workers Association ukon gawa ang kinyentos pesos nga bulanan nga ayuda para sa katapo sang 4Ps.
Suno kay Sancho, mas reasonable ang kinyentos pesos nga ginaduso ni Presidente Rodrigo Duterte kay sa dos shientos pesos nga makabig insulto na sa mga kubos ilabi na karon nga pandemic.
Pero magluwas diri ginalauman niya nga mangin paborable man ang tres shientos sinkwentay sinko pesos nga dugang nga saka sa sweldo sang mga trabahador karon nga nagasaka ang presyo sang produkto produkto kag iban pa nga balaklon.
Sa Abril 8 natalana ang public hearing sang katapo sang Regional Tripartite Wages and Productivity Board para sa ginalauman nga shiete shientos sinkwenta pesos nga minimum wage.
Ang petisyon para sa dugang ang sweldo ang ginduso sang Fishta Union of Employees for Reforms through Solidarity action ukon Fuerza-Super sang Pebrero 28.