Ang provision sa Implementing Rules and Regulation ukon IRR sa pagpatuman sang Negros Island Region Act sa pagtugot sa mga departamento nga maka butang sang satellite offices ang ginkakas.
Suno kay Congresswoman Mercedes Alvarez sang 6th District ginkakas sang Department of Budget and Management ang amo nga provsion sa IRR.
Nabaton na ni Alvarez ang kopya sang IRR nga nalagdaan na sang tatlo ka mga departamento nga naga lakip sang DBM, Department of the Interior and Local Government kag National Economic and Development Authority.
Sa iya nga bahin, wala siya anay naglagda bangud may yara siya sang reservation sa pagkakas sang provision nga iya ginduso nga naga tugot kuntani sa pag tukod sang satellite offices kun kinahanglanon sa palaabuton.
Tigaylo siya ang nagsulat sa DILG para mapadangat ini.
Pero iya man ginsiling nga indi naman siya mag insist para diri para lang mapadasig ang pag idog sang pag patuman sang NIR.