Provincial Veterinarian naga pahanumdom sa mga manugsagod sang sapat nga pabakuron ang biosecurity karon nga may pagkambyo sang klima.
Suno kay Dr Placeda Lemana, indi ma negar nga kun may kambyo sang klima apektado ang mga kasapatan labi na ang may manubo sang resisensya.
Gikan sa tuman nga kainit nga panahon, nagdeklarar na ang PAGASA sang pag sugod sang tig-ululan.
Suno kay Lemana, ang pag pabakud sang biosecurity naga kasayuran nga dapat may naga kaigo nga housing ang mga gina sagod nga sapat. Mag pahamtang man sang footbath sa lugar.
Dugang pa ni Lemana, ipasiguro man dapat nila nga maayo ang kondisyon sang kasapatan paagi sa pag hatag sa ila sang supplement kag bitamina.
Suno kay Lemana sa pag sapol nila sa mga veterinarian sa mga LGU kag sa katapo sang AHRANO, ukon ang Alliance of Hog Raisers Association of Negros Occidental may mga minimal nga kaso sang diarrhea, sip-on, kag ubo sa kasapatan dala sang tuman sadto ka init nga panahon.
“Gina remind naton sila nga basta may sudden change sang aton tiempo ma apektuhan ang aton kasapatan. Gina advise naton sila sang proper nga housing kag maayo nga management like pagkaon, tubig, etc. Kag careful gid sila sa areas sa nanubuan kapin pa kun mag taas tubig”, suno kay Lemana.*
[sibwp_form id=1]