Provincial Tourism Week ang maga bukas bwas nga adlaw. Tourism and Green Investmetns naman ang tema sang selebrasyon.
Suno kay Cheryl Decena ang Provincial Tourism Officer, indi lamang ang pagtib-ong sang sarang nga mabisitahan kag mga gina pabugal nga produkto ang gina tutukan kundi mismo ang pagsaulog sini nga naga hatag sang atensyon sa pag amlig sa palibot.
Nalakip diri amo nga ang mga pag pang-agda, e-invites na kag diutay na lamang ang traditional nga invites ukon ang yara sa hard copy. Paagi sa Executive Order gin-ban naman ang pag gamit sang single use plastic. Sa Ayala Capitol Central maga bukas ang event.
Kasubong sang nagligad nga tuig may tourism fair, cultural shows kag food parade. May Photo Exhibit man nga naga pasundayag sang “Undiscovered Negros”. Tubtob sa Setyembre 23 ang selebrasyon. Natalana man ang Alon Film Showing nga isa ka documentary angut sa plastic waste.