Predominantly solar-powered na karon ang Provincial Capitol.
Ginsiling ni Provincial Administrator Rayfrando Diaz nga mga 85 percent solar powered ang Kapitolyo.
Kuntani subong nga adlaw gin paabot nga magamit full capacity ang solar power ugaling kay gin-suspend man ang trabaho sa talatapan sang gobyerno dala sang malain nga panahon.
Ang Capitol building ang naga konsumo 211.06 kWh.
15.3 percent sini ang gina supply sang Negros Power ukon 32.29 kWh.
Ang nabilin gikan na sa renewable energy sa mismo solar panels sa Kapitolyo.
May 246 solar panels kag 123 power optimizers ang fully operational kag makita sa live Monitoring Platform.
Kabahin ini sang seryoso nga tikang sang gobyerno probinsyal para sa green power kag kuntani sundon man sang iban nga mga talatapan gikan sa pribado nga sektor.
First time nga matabo ini sa gobyerno probinsyal.
Masunod nga mangin solar powered amo ang Food Terminal Market kag ang Negros Residences suno kay Diaz.