Profiling sang tanan nga mga nagabyahe nga jeep sa Bacolod ginsuguran sa Bacolod City Government Center.
Antes pa man ginnpatuman ang public utility vehicle modernization program may yara sang 3,731 ka mga public utility jeepneys ang naga byahe sa Bacolod sang 2018.
Sandig sa record sang Land Transportation Franchising and Regulatory Board ukon LTFRB may yara karon sang 605 ka mga modernized jeepney kag 1,266 ka consolidated traditional jeepney ang nagabyahe karon sa siudad.
Pero indi malipod nga may pila gihapon ka mga jeep ang naga byahe nga colorum.
Gani ginmando ni Mayor Albee Benitez ang profiling agud mapat-od kun pila pa ka mga modernized jeepney units ang kinahanglan sa 24 ka mga rota sa idalom sang natukod nga Local Public Transport Route Plan.
Diri man luyag mapat-od sang alkalde kun pila ang kinahanglan nga units sa tatlo ka mga ginapaabot nga green routes ukon rota nga italana para sa mga electric jeepney.
Ang pag-migrate sa electric jeepney ang ginaduso sang alkalde para mangin madinalag-on ang PUV modernization program.