Pamatukan sang probinsya ang ano man nga lihok nga maga tugot sang pag-import sang kalamay nga wala sang sugar order gikan sa Sugar Regulatory Administration.
Ini suno kay Negros Occidental Governor Eugenio Jose Lacson nga nag siling man nga kun wala sang control ang pag tugot sang pag import sang kalamay sa pungsod, kasubong sang pag igo sang tsunami ang mangin epekto sini bangud maga sarurot ang presyo sang farm gate price.
Sarang man ini maka pauntat sang baklanay sang domestic sugar.
Damlag pa, nagpamatuk si Senador Risa Hontiveros sa pahayag ni Executive Secretary Lucas Bersamin nga indi na kinahanglan sang Sugar Order para sa pag import sang kalamay.
Nagsapol ang Senadora kay Lacson Martes sang hapon.
Nagapati si Lacson nga ang pag-import sang kalamay ang dapat nga maga agi sa SRA nga amo ang may katungdanan sa pag regulate sini.
Mahimo man nga personal lamang nga opinion ni Bersamin ang gin pa gwa nga pahayag sini suno kay Lacson.