Digicast Negros

Prevalance sang malnutrition sa mga kabaatan sa probinsya may pagnubo

Improvement bahin sa nutritional status sang kabataan nga naga pang-edaron zero to 59 months ang gin-report base sa datus sang 2022.

Sa report sang Provincial Health Office, may significant decrease sa nagaluntad nga  stunting, wasted kag over weight/obesity sa mga kabataan.

Ang stunting  naga tumod sa kataason sang mga kabataan nga wala naga santo sa ila nga edad.

Ang  wasted naman naga tumod sa kabug-aton sang kabataan nga wala nag santo sa ila nga kataason.  

Suno sa PHO 3.17 percent ang gin nubo sa prevalence sang stunted growth sa mga kabaaan humalin 2019-2022.

Ang Don Salvador Benedicto ang may mataas nga prevalence ukon pagluntad sang stunting sa mga munisipyo kag San Carlos City naman ang sa city category.

Suno kay Provincial Administrator Rayfrando Diaz, kabahin karon sang programa sang gobyerno probinsyal amo ang pag pain sang 10 milyones pesos para sa bente ka mga barangay gikan sa Don Salvador Benedicto kag Calatrava para matutukan ang nutritional program.

Ang Provincial Planning and Development Office, PHO kag Negros Occidental Nutrition Alliance ang magabulig sa sining mga barangay para mapasiguro ang naga kaigo nga pagpatuman sang programa.

Exit mobile version
Skip to toolbar