Nanaog sa P20 to P21 ang baklanay sang kada kilo sang fresh palay karon.
Suno kay Pedro Limpangog, ang presidente sang Federation of Irrigators Association Central Negros – Bago River Irrigation System, sa southern part nga sakop sang BRIS ang baklanay sang fresh palay yara sa P20 to P21 ang kilo.
Sadto, P24 to P25 ang baklanay sang kada kilo. Kun daku ang produksyon suno kay Limpangog tigayon lang sa gihapon nga maka bawi ang mga rice farmers. Ang mabudlay lang kun may drop man sa production. Sa karon naga dangat sa 5 to 7 tons per hectare ang patubas.
“Nag drop na ang presyo sang palay diri sa south district sang BRIS. Balitaan nakon P20 to P21 per kilo. Kun mayo lang patubas parehos subong naga lambot kita 6 tons, 5 to 7 tons pa gani may ginansya si farmer. Pero kun maagyan sang malain nga tiempo kag mag nubo ang production kaluluoy si farmer,” suno kay Limpangog.
Sa pihak nga bahin yara sa P28 ang kilo sang baklanay sang National Food Authority sang clean and dry palay nga may yara sang 11 to 14 percent moisture content sini nga semana.
Wala sang facility ang NFA Negros Occidental para sa drying rason nga wala sila naga bakal sang wet palay suno kay Cherrybeth Gevero ang manager.
Kada semana naga lain-lain ang presyo sang baklanay bangud dependent man sila sa prevailing market price.
Ang P20 to P21 nga baklanay sa fresh palay suno sa iya ang breakeven lamang bangud nag saka man karon ang mga farm inputs. Ang pagdagdag sa presyo tuga sang pag full swing sang ani suno sa kay Gevero.
“Maybe may influx na ng harvest sa area. Kami naman nag maintain ng P28 – clean and dry, hopefully tataas pa sana para maka pag bili kami. Pero ang P28 enough naman para ma sustain ang input ng farmers natin”, suno kay Gevero.
[sibwp_form id=1]