Presyo sang manok kag baboy ang nagsaka ilabi na sa sur nga bahin sang Negros Occidental.
Masobra sa dose pesos ang ginmahal sa kada kilo sang manok nga broiler.
Ini sandig sa poultry and livestock weekly monitoring sang Provincial Veterinary Office, isa ka semana matapos magluntad ang Bagyo Odette.
Ang average nga kilo sang broiler nga manok sa December 27 nga monitoring, 181.88 pesos.
Masobra sa dose pesos ang ginmahal kun ipaanggid sa 169.10 sadto nga average price per kilo.
Ang Kabankalan ang may pinaka mataas nga presyo 240 pesos kada kilo. Nagmahal man ang baboy sa masobra 8 pesos ang kilo. 231.76 ang average price per kilo subong.
Ang Cauayan ang may pinaka mahal 260 pesos kada kilo.
Suno kay Provincial Veterinarian Dr Renante Decena, bangud sang holidays, kakulang sang supply sa dressed chicken kasubong man ang epekto sang bagyo odette ang maga nag apekto sa pagsaka sa presyo.
1.3 million ang nagkalamatay nga manok sa Bagyo Odette dugang pa diri nga may problema sa storage facility bangud man sang problema sa power supply sa sur.
Suno kay Negros Occidental Governor Eugenio Jose Lacson, magasapol sini nga hapon ang Price Control Council.
Damlag pa nag patuman na sang price freeze kag ang basic necessities kag commodities ang napaidalom diri.
Suno sa gobernador talakayon nila ang presyo sang agricultural products, bisan pa sa mga generators sets kag iban pa gid nga mga produkto nga nagmahal.