Mga rice farmers ang nalipay kay tigayon na gid man sila nakabawi.
Kun sadto anay nagbarato tubtob sa P12 ang kilo sang humay, nga tuman ka pierde sa bahin sang mga rice farmers, karon suno kay Pedro Limpangog ang presidente sang Federation of Irrigators Association Central Negros – Bago River Irrigation System ukon FIACN-BRIS, nag estable na ang presyo.
Daku ang bulig suno sa iya sang gin patuman nga importation ban sa bugas nga nagalawig tubtob sa katapusan sini nga tuig.
Ang capital sang rice farmers sa kada kilo sang humay yara sa P13 tubob P14. Gani sa P18 subong nga baligyaanay maka bawi na sila.
Padayon ang ani subong pero maga full swing ang harvest sa Enero suno kay Limpangog.
Isa sa ila nga gina lantaw karon amo ang epekto sa kadamuon sang ani sang pag-igo ni bagyo Tino sa probinsya.
Pero padayon sila nga naga laum nga mangin maayo sa gihapon ang ani.
Sa pihak nga bahin sa wholesale nga baligyaanay, yara sa P1,900 ang sako sang bugas ukon P38/kilo ang tupa sa kada kilo suno kay Limpangog.
“Ang humay subong nagtaas naman ang presyo, indi parehos sang nagligad nga tama kanubo. Subong naga lab-ot naman siya P17 to P18 ang presyo sang kada kilo sang lagtong nga humay.
Sa P18 okay na na sa amon, ugaling apektado ang aton bag-o nga naga harvest tungod sang bagyo Tino. May mga portion sa nasakupan namon sa BRIS nga nubo ang ila production, but hopefully sa maabot nga semana mangin maayo na ang ila ani”, suno kay Limpangog.*
[sibwp_form id=1]