Humalin sang bulan sang Enero naga sige lang saka ang bili sang produkto petrolyo bangud sang tension sa Middle East pero subong nga nag sugod na ang gamo ginakakulbaan ang pagtimbuok sa presyo sini.
Suno sa kay Department of Energy Secretary Sharon Garin, indi man dali-dali mag timbuok ang presyo sang krudo kag gasoline kay may yara sang regulasyon sa Pilipinas nga dapat may yara ang oil companies sang stock sang finished oil products nga para sa 15 ka adlaw.
Ini ang produkto petrolyo nga ginarekta na tughong sa mga salakyan kag 30 diyas naman para sa crude nga amo naman ang ginagamit sang Petron.
Buot silingon nga indi basta-basta mawad-an sang supply sang langis ang pungsod pero nagpaandam na ang DOE sa posibilidad sang pagsaka pa gid sang bili sini ilabi na kun mag sige pa ang gamo sa Middle East nga nagsugod sang weekend.
Panawagan sang DOE indi mag-panic buying kay mahimo ini nga magresulta man sa gulpi nga pagnubo sang supply kag pagsaka sang presyo.
Subong nga adlaw nagsapul na ang DOE kag oil companies kun ano pa gid ang nagakadapat nga himuon kun magsige pa ang gamo sa Middle East.*
[sibwp_form id=1]