Mga lideres sang simbahan, environment, organic farming kag civil society groups ang nag pa gwa sang isa ka joint declaration sang Martes nga naga pamatuk sa testing sang genetically modified organism ukon GMO sa Negros Occidental.
Para kay Provincial Administrator Rayfrando Diaz ini ang premature kag kuntani mangin fair man ang grupo sa probinsya.
Ang joint declaration gin issue bilang reaction sa proposed ordinance nga gin-certify ni Governor Eugenio Jose Lacson bilang urgent.
Napasar sa first hearing ang gina duso nga ordinance nga gina tiguluhan: An Ordinance providing for the rules and guidelines on the research, development, handling, use and transboundary movement, release into the environment and management of genetically modified organism within the territorial jurisdiction of the province of Negros Occidental and for other purposes.
Suno kay Diaz na forward ang amo nga pahayag kahapon sa iya pero iya namutikan nga wala man lang sang lagda sang mga natungdan ini.
Ika duha may public hearing pa nga patigayunon sa Setyembre 9, kuntani maga tambong ang ini nga mga grupo nga kun lantawon nakaupod naman trabaho kag nasuportahan sang probinsya.
18 ka tuig nga GMO free ang probinsya.
Ang pag amend sa ordinansa kun matigayon ang maga tugot sa probinsya sa pag produce sang GMO feeds para sa mga kasapatan sini.
Suno kay Diaz, wala sang feedmills nga luyag mag bukas diri bangud wala sang available nga feedstocks.
Na eksperiensya na sang probinsya ang kabudlayan sa kakulang sang feeds, kaangay sang tion sang pandemic rason nga gina address na ini karon.
Dugang pa ni Diaz, wala man nagakasayuran nga indi na mangin organic ang probinsya, padayon ang pag suporta sang probinsya para diri.
Pero indi man luyag sang Negros Occidental nga sirad-an ang mga higayon para sa mga indi luyag sang organic.