Pila ka mga banwa sa Negros Occidental ang nag patuman na sang pre-emptive evacuation sini nga hapon bilang pag panghanda sa bagyo Wilma.
Sa report sang Provincial Disaster Risk Reduction Managment Office, ang Hinigaran, Isabela kag Moises Padilla ang nag patuman na sang pre-emptive evacuation.
Sa post sang Moises Padilla DRRMO, as of 3pm ang tanan nga hulot sang San Isidro Academy ang napuno na sang evacuees.
Damlag pa ginmando na ni Governor Eugenio Jose Lacson ang pag patuman sang pre-emptive evacuation para malikawan na ang ano man nga kahalitan dala sang bagyo Wilma.
Suno kay Irene Bel Ploteña ang pamuno sang PDRRMO, sakop sa pre-emptive evacuation ang mga naga puyo sa flood kag landslide prone areas.
Pero dala sang trauma sang bagyo Tino suno sa iya may mga pumuluyo na nga nag mato-mato padulong sa evacuation center temprano pa.
Handa na ang logistics kag naka preposition naman mga disaster teams.
Padayon ang pag abiso sa pumuluyo nga mag aligmat sa tunga sang malain nga panahon.