Kaparian kag deboto sang Simbahan Katoliko sa Dumaguete City nag patigayon sang prayer vigil batuk sa reclamation project.
Nag tipon kahapon ang mga kaparian sang Simbahan Katoliko kag mga sumilimba sa Dumaguete City upod sang iban pa nga grupo para mag patigayon sang prayer vigil batuk sa kontrobersyal “smart city” reclamation project sang LGU.
Sa tunga sang maulanon nga panahon, sila ang nag tipon sa rizal boulevard kag nag pangamuyo nga indi na pag dayunon sang siyudad ang plano nga pag patindog sang mga establisyemento komersyal sa coastal area kag pag himo sini bilang isa ka “smart city.”
Ang proyekto ang damlag pa gina siling nga maga tuga sang pag guba sang marine life kag maga apekto man sa palangabuhian sang mga mananagat sa siyudad.
Magluwas sa pag pamatuk sa reclmation project, kabahin man sa gin pangamuyuan sang simbahan amo ang Covid-19 situation sa siyudad.
Samtang, sang tinalikdan nga semana, ang Sanguninang Panlalawigan sang Negros Oriental ang nag pasar man sa third and final reading sang ordinansa nga maga kabig sang marine protected areas sa probinsya.
Bilang reclamation free zone lakip na diri ang protected area sa bahin sang Dumaguete City. Ginahulat na lang sa karon ang lagda sang gobernador.