Garantisado na nga magapadayon ang uninterrupted nga supply sang kuryente sa Central Negros matapos ginpirmahan na ni Presidente Ferdinand Marcos Jr. ang franchise application sang NEPC.
Ang NEPC amo ang maga-dumala kag maga-operate bilang distribution utility sa anay franchise area sang Central Negros Electric Cooperative ukon CENECO.
Nalakip diri ang Bacolod, Silay, Talisay kag Bago City pati na ang banwa sang Murcia kag Don Salvador Benedicto.
Ang pagpasar sang Republic Act 12011 ang ginapaabot na sang pamunuan sang NEPC sa tuyo nga mas mapasanyog pa ang serbisyo CENECO sa mga electric consumers pinaagi sa joint venture agreement.
Ang legislation ang sarang na mapatuman makaligad ang 15 days matapos ang official publication sa Official Gazette kag mga pahayagan.