Akig nga nagpabutyag sang kalain sang buot ang katapo sang Amlig Kuryente kag Tubig upod sa Power Watch Group Negros sa mga na suspend nga katapo sang Board of Directors sang Ceneco.
Ini bangud nagapati pa ang mga na suspend nga BOD nga vindicated sila sa kaso nga grave misconduct may angut sa ginpatuman nga 20 megawatt contract extension.
Suno kay anay Councilor Wilson Gamboa,convenor sang consumer watch group, mas nabutang karon sa alang-alang ang power cooperative epekto sang iligal nga pagpatuman sang extension sang power supply agreement upod sa Kepco SPC Power Corporation.
Dugang pa sang consumer group nga ginalipod sang Ceneco management kag BOD ang financial stability sini subong man nga wala man nila ginapatuman ang P238M refund sa mga kunsomedor kag ang benepisyo para sa katapo sang CENECO Union of Rational Employees sandig sa natukod nga Collective Bargaining Agreement.
Sa madasun nga semana natalana ang public hearing sa tunga sang katapo sang consumer group kag konseho sang siudad.