Nagkalayo kagab-i ang porsyon sang Negros Oriental Provincial Hospital sa Dumaguete City.
Suno kay Provincial Administrator Arthur Fran Tolcidas, nagsugod ang aso sa laboratory sang ospital.
Madasig naman nga napalong sang mga bombero ang kalayo.
Gilayon nga gin-evacuate pagwa sa ospital ang mga pasyente, ilabi na ang sa pedia ward, nga yara nahamtang sa ibabaw nga panalgan sang laboratory.
Nagbulig sa pag-evacuate ang Silliman University Medical Center Foundation Inc. sang mga pasyente pakadto sa parking area sang NOPH.
Bangud ang mga oxygen tanks sang NOPH ang dalagko kag mabug-at i-transport sa tion sang emergency response, ginpakamaayo sang SUMCFI nga magdala sang pila ka portable oxygen tanks agud masiguro nga may oxygen support ang mga pasyente nga gin-evacuate.
Wala sang may na-report nga nasamaran sa sunog.
Nagpasalig si Negros Oriental Governor Manuel “Chaco” Sagarbarria nga maga-suporta ang provincial government sa tanan nga mga apektado.
Padayon ang imbestigasyon sa gintunaan sang sunog.
Sa karon, balik na sa normal ang operasyon sang ospital.*