Ginpamunuan ni Archbishop Charles Brown, Papal Nuncio to the Philippines sa San Sebastian Cathedral ang pontifical coronation sang venerable kag original icon sang Virgen sang Barangay.
Ang Papal Nuncio nga gin-assist ni Bacolod Bishop Patricio Buzon ang nagbutang sang korona sa babaw sang painting sang Virgen sang Barangay, nga original icon, kag napahamtang sa natuo nga bahin sang altar sang Cathedral sa tion sang pontifical mass nga gintambungan sang 3,000 ka mga katoliko.
Si Pope Leo XIV ang nag grant sang Pontifical Coronation sang imahen sang Virgen sang Barangay, nga gina venerate sa San Sebastian Cathedral.
Ang sadto anay mayor sang Silay nga si Antonio Gaston nga naga masakit ang nag plano nga mabuligan ang pag pabakod sang pagtuo sang mga pumuluyo rason iya iya gin tukod sang 1949 ang Barangay sang Virgen.
Isa sa mga features sini amo nga ang amay sang tagsa ka panimalay amo ang naga pamuno sang pag pangadyi sang Santo Rosaryo kag sa pag saylo sa balay-balay sang estandarte (banner).
Ang image ang gin pinta ni Crisogono A. Domingo nga may masakit nga aro sa Sta. Barbara Leprosarium sa Iloilo.
Natapos niya ang painting sang March 30, 1955. Siya kag ang iya asawa ang naka baton sang pabor gikan sa Birhen Maria – sila ang gindeklara nga negative patients kag lubos nga naayo suno sa Bacolod Diocese.