Pagpabaskog sang police visibility sa mga simbahan kag mga tourist destination ang ipatuman sa Semana Santa.
Mga disaster teams naka alerto man.
Suno kay Col Rainerio de Chavez ang PNP Provincial Director, sa kinaandan, mas pabaskugon ang police visibility sa mga lugar nga gina paabot dagsaon sang mga tawo sa semana santa, nalakip na diri ang mga simbahan kag lugar nga gina kadtuan sang mga tumuluo.
Kay tungod nga bakasyon man, nalakip sa balantayan man ang mga tourist destination.
Upod sa iban nga mga ahensya sang gobyerno may Lakbay Alalay nga ipahamtang, ini agudto ipasiguro nga mangin luwas man ang pag biyahe sang tagsa-tagsa.
Suno kay Governor Eugenio Jose Lacson, sa kinaandan, naka alerto ang mga disaster teams sa probinsya kag sa tagsa ka mga local government unit sa kada semana santa.