Nagtuga sang kahadlok ang Facebook post gamit ang isa ka dummy account nga nagapamahog kag ginpangalanan ang pito ka mga mga eskwelahan sa Bacolod City.
Nakita sang school principal sa isa sa mga ginpangalanan nga eskwelahan ang post kag gilayon nga nagtawag sa kapulisan.
Ginsiling ni Bacolod City Police Office Director Colonel Eugene Rebadomia nga ginkadtuan sang kapulisan ang mga eskwelahan, apang wala man sang may nakita nga mga delikado nga bagay.
Posible man suno kay Rebadomia nga taga iban nga rehiyon ang nagagamit sang amo nga account kag naga-post lang agud magtuga sang ka hadlok sa publiko.
Liwat nga nagpaandam ang kapulisan sa publiko nga likawan ang mga prank call kag pag post sa social media sang mga pagpamahog.
Handa nga magpasaka sang kaso ang kapulisan batuk sa bisan sin-o man nga nagahimo sang amo nga mga butang.
[sibwp_form id=1]