PNP padayon nga maga lagas sa iban pa nga miyembro sang Divinagracia Drug Group bisan pa napatay na ang lider sini.
Ginpahayag ni Lieutenant Abegael Donasco, spokesperson sang Negros Occidental Police Provincial Office nga indi mag untat kag maga padayon ang NOCPPO sa pag lagas kag pag aresto sa mga nabilin pa nga miyembro sang Divinagracia Drug Group nga isa sa major drug group diri sa probinsya bisan pa napatay na ang ila nga lider nga si Micheal Divinagracia sa Rizal province.
Gin pasalamatan kag gin kalipay man ini sang pamuno sang NOCPPO suno kay Donasco bangud si Divinagracia ang gina kabig man bilang isa sa top drug personality sa Negros Occidental.
Dugang pa ni Donasco, madamo pa sang mga downlines ni Divinagacia nga naga operate diri sa probinsya kag mahimo mag doble pa ang ila nga operasyon gani ini ang tutukan man sang NOCPPO para indi na ini mag dako pa kag tigayon madakop ang mga nabilin nga miyembro.
Usisaon man sang NOCPPO ang iban pa nga operasyon sang grupo sa gwa sang Negros bangud sa damlag pa gin tudlo man ni PNP Chief Guillermo Eleazar ang duha ka persona nga napatay sa buybust operation sa muntinlupa nga kabahin man sang Divinagracia group.