Gin rule out na sa karon sang PNP ang gina claim nga riding-in-tandem ang nag patay sa anay General Manager sang Northern Negros Electric Cooperative nga si Atty Danny Pondevilla sang nag ligad nga semana.
Suno kay Lieutenant Jonito Pastrana, ang station commander sang Police Station 2, posible yara man sa sulod sang salakyan ang nag patay kay Pondevilla nga nasapwan duguon sa driver seat sang iya salakyan.
Ang executive secretary ni Pondevilla amo ang damlag pa nagsiling nga sakay sa motor ang nag patay kay Pondevilla. Gin paidalom man sa paraffin test ang executive secretary, apang ini ang nag negatibo.
Nagapabilin siya sa gihapon nga isa sa persons of interest. Nagsapol naman kahapon ang nagkalain-lain nga unit nga kabahin sang gin tukod nga Special Investigastion Task Group nga ang tuyo amo nga mapadasig ang paglubad sang kaso sa pagpatay kay Pondevilla.
Personal kag work related motive amo ang ila gina sundan sa karon nga anggulo sa pag patay sa abogado. Ang SITG ang may kopya naman sang CCTV sa area apang ila pa ini karon gina tutukan suno kay Pastrana.