Cleanliness policy gin pahanumdom ni Chief PNP Guillermo Eleazar sa iya pag bisita sa probinsya kag sa Bacolod.
Nag bisita sa Negros Occidental sang weekend si PNP Chief, Police General Guillermo Eleazar bilang kabahin sang iya five day command visit tour sa Western Visayas.
Una nga nag padulong si Eleazar sang Sabado sa Negros Occidental Police Provincial Office kag sang kahapon naman siya ang nag bisita sa Bacolod City Police Office.
Sa iya duha ka adlaw nga pag atubang sa mga pulis sa probinsya kag sa Bacolod, iya gin pahanumdom sa kapulisan ang cleanlineess policy sang PNP.
Gin pahayag ni Eleazar nga dapat ipabilin ang katinlo sa mga police stations kun sa diin makita ang disiplina sang mga pulis. Iya man gin commend ang mga Police Station 1 sa Bacolod kag ang Talisay PNP nga iya gin surprise inspect bangud sang katinlo sang police stations.
Kabahin man sa cleanliness police suno kay Eleazar amo ang cleaning of ranks sa hanay sang PNP kasubong ang pag pag paninlo man sang kapulisan sa komunidad paagi sa mga anti criminality campaign.
Kabahin man sa pag bisita ni Eleazar amo ang pag hatag pasidungon sa mga outstanding police kasubong man sang pag unveil sang nagkalain lain nga proyekto sang NOCPPO kag BCPO.