Ang pag review kag pag update sang mga kontrata sa tunga sang Central Negros Electric Cooperative kag mga power suppliers kag pag gamit sang local renewable energy kabahin sa 5 point action plan sang katapo sang nagapakilala katapo sang Interim Board of Directors upod sa consumer watch group sa ila State of the Konsyumer Address.
Para sa ila ini ang nagakaangay sa baylo sang ginaduso karon nga joint venture agreement sa tunga sang Ceneco kag Primelectric Holdings Incorporated.
Nagapati si Atty. Luke Espiritu, legal counsel sang mga member-consumer organization nga ini ang sabat agud man mapanubo ang presyo sang power supply.
Samtang, ginpahayag man sang grupo nga handa sila nga maghatag sang legal support sa mga empleyado sang Ceneco nga karon apektado sa konplikto sa ginaduso nga JVA kag plebisito.
Wala ginakilala sang National Electrification Administration ang katapo sang interim board of directors.
Gani ginapasalig man sang pamunuan sang Ceneco nga indi ini maka apekto sa operation sang distribution utility.