Na ka put on-hold ang naka naschedule na nga cloudseeding operation para sa probinsya sang Negros Occidental.
Ini suno kay Department of Agriculture Regional Director, Engr Jose Albert Barrogo karon nga nag sugod na ang tig-ululan.
Paathag ni Barrogo, maga depende ang tanan sa mangin pronouncement naman sang PAGASA angut sa pag igo sang El Niño.
Gin announce na sang PAGASA sini nga Hunyo ang opisyal nga pag sugod sang tig-ululan kag may mga pag tupa naman gid sang ulan sa pila ka bahin sang Negros Occidental.
Sa nagligad nga interview kay Barrogo, iya ginsiling nga gin-schedule na sang Bureau of Soils and Water Management ang cloudseeding operation para sa Negros Occidental kag sa Western Visayas sa bulan sang Hulyo.
Damlag pa suno kay Barrogo gina paabot ang pag igo sang El Niño sa bulan sang June, July kag August.
En kaso gid man nga kinahanglanon ang cloudseeding suno kay Barrogo, pwede lang man mapatuman ini. Ang importante nga may napain na nga P6 million nga pondo para diri.
Samtang, padayon sila nga naga hulat sang abiso sa national office sa pag patukod sang TF El Niño.
“Ang cloudseeding was prepared due to the pronouncement of PAGASA sang El Niño naton. So right now naka put on hold ang cloudseeding naton. In case nga mag severe gid ang El Niño naton, naka ready na kita. Kun indi man gid siya i-operate wala man problema kay ara naman ang pondo, naka standby lang man siya”, suno kay Barrogo.*
[sibwp_form id=1]