Nagdangat na sa pito ang mga banwa kag siudad sa Negros Occidental na na upgrade sa pink zone bahin sa African Swine Fever Zoning.
Sa report sang National ASF Prevention and Control Program nalakip sa pito nga na upgrade na sa pink zone gikan sa red zone ang Kabankalan City, Hinigaran, La Castellana, Pulupandan, San Carlos City, Silay City kag Victorias City as of August 14. Nagakasayuran nga kun ang isa ka banwa ukon siudad ang gin deklara nga pink zone sarang na maka sugod sang ila nga sentinelling program kag pwede na ma deklara locally nga ASF Free. Pwede naman maka apply para sa recognition of active surveillance nga isa sa mga requirement sa pag ship sang baboy sa gwa sang probinsya.
Ang Sagay City naman ang naga isahanon nga LGU sa Negros Occidental ang yara sa yellow zone. Sa bilog nga pungsod may 457 ka areas ang na upgrade sa pink zone gikan sa red zone kag 100 naman ang na upgrade sa yellow gikan sa pink zone.