Na proclaim na si Mayor Rhumyla Nicor Mangilimutan bilang duly elected mayor sang banwa sang La Castellana. Nag daug man ang iya amay nga si Alberto Nicor, Jr bilang vice mayor sang banwa.
Sa kaiping naman nga banwa sang Isabela, mag-iloy nga Montilla ang nag-daug.
Gin proclaim na si Mayor Irene Montilla nga tigdaug sa mayoralty race kag ang iya naman anak nga si Juan Miguel sa vice mayoralty race. Nangin close fight ang sa tunga ni Mayor Irene kag Vice Mayor Renato Malabor, Jr.
Sa banwa sang Binalbagan si Mayor Alejandro “Bebot” Mirasol ang gin proclaim naman nga tig daug sa mayoralty race kag ang iya asawa nga si Mary Ann ang nag daug man bilang bisa alkalde.
Nangin madinalag-on man ni Mayor Nadie Arceo sa iya nga re-election sa banwa sang hinigaran. Nag daug man ang iya asawa nga si Mary Grace sa vice mayoralty race.
Sa siudad sang Sipalay unopposed ang mag-utod nga Montilla. Nag pa re-elect si Mayor Maria Gina Montilla–Lizares kag Vice Mayor Oscar Montilla, Jr.
Ang mag-utod nga Alvarez sa banwa sang Ilog unopposed man. Nag pa re-elect si Mayor John Paul Alvarez kag amo man si Vice Mayor Genaro Rafael Alvarez.
Sa Don Salvador Benedicto, unopposed man ang mag-utod nga Dela Cruz. Nag pa relect si Mayor Marxlen Dela Cruz. Nag pa re-elect man ang iya utod nga si vice Mayor Nehemias Dela Cruz, Jr.
Pero, indi lamang sa mayor-vice mayor tandem nga may mga maghimata nga nagdalaug sa probinsya.