41 ka mga residente sang Basay, Negros Oriental ang nagpaligad gab-i sa evacuation center matapos nga ginbaha banwa dala sang Bagyo Quinta nga nagdala sang makusog nga ulan sa pila ka bahin sang Negros Oriental.
Sa Barangay Nagbualao kahapon sang udto naglab ot sa hawak ang kadalumon sang baha.
11 ka mga residente ang gin rescue sa barangay. Pagka gabi nag luntad naman ang flashflood sa barangay bal-os.
Sa siudad sang Bayawan, madamo man nga pamilya ang apektado sang baha matapos magsaka ang tubig sa halos tanan nga mga barangay sa siudad suno sa DRRMO sang Bayawan.
Gina consolidate pa sang siudad kun pila tanan ang mga nag evacuate sa ila mga barangay bangud sang baha. suspendido man ang klase sa bayawan subong nga adlaw bangud sang bagyo.
Sa Siaton, Negros Oriental, isa ka 60 anyos nga lola ang napatay matapos maanod ka baha samtang nagapauli gikan sa merkado.
“Tumawid sila sa baha tapos biglang lumaki yung tubig.. kasama niya yung anak niya, yung anak niya okay yung anak niya pero yung nanay yun ang namatay,” suno kay Ricky Garcia, DRRMO Siaton.
Gina consolidate pa sa karon sang Negros Oriental DRRMO kun pila tanan ka mga LGU kag pamilya ang apektado bangud sang makusog nga ulan dala sang bagyo.