Provincial Health Office ang naga pahanumdom sa mga ginikanan nga pabakunahan na ang ila kabataan kontra Covid – 19.
Suno kay Dr Jessica Fama ang medical specialist 3 sang PHO, subong pa lang dapat mag pabakuna na kun wala pa ang kabataan nadapatan sang covid vaccine labi na nga duha ini ka dose.
Suno kay Fama, kasunod sang impormasyon nga target na mag face to face classes sa bulan samg Nobyembre mas maayo nga mahandaan na sa temprano ang ikaayong lawas labi na nga nagapabilin pa ang pandemya.
Suno kay Fama wala pa sa gihapon nalambot sang Negros Occidental ang kadamuon sang target mabakunahan bisan sa mga kabataan.
Sa pihak nga bahin, 31 ang na record nga active cases sang Negros Occidental sa July 5 nga report sang Provincial Incident Management Team.
Yara man sa two digit sa karon ang active cases suno kay Fama indi pa man seriously alarmed ang probinsya.
Padayon ang pahanumdom sa publiko sa pagsunod sa minimum health protocol bisan pa mag pabakuna labi na nga naghalog na ang border controls kag nagbalik na ang biyahe. Nagapabilin man nga manubo ang utilization rate sang mga ospital sa probinsya.