Plastado na ang protocol sang probinsya kag siudad sa airport kag seaport bilang pagpanghanda sa MassKara Festival. Provincial Health Office naga abiso nga sa tanan nga tion mag gamit gid sang face mask.
Suno kay Provincial Health Office Dr Ernell Tumimbang, mataas man ang confidence level labi na sa Bacolod bangud masobra gani sa 100 percent sa target ang nabakunahan sini, pero mas maayo gid nga mag gamit sang face mask bisan pa yara sa open spaces.
Paathag ni Tumimbang, indi maka siguro sa mahimo matabo nga infection labi na kun asymptomatic.
Dugang pa niya, dapat dumdumon sang tanan nga indi lamang mga taga Bacolod ang maga pakigbahin sa selebrasyon.
Ginapaabot ang pag tambong sang mga bisita gikan sa nag kalain-lain nga mga probinsya.
Indi pagkalipatan sa gihapon ang minimum health protocol suno sa iya. Sa Biyernes may salubong kag countdown na para sa MassKara Festival.