Anum ang na report pilason bangud sang palupok.
Ini base sa report sang Provincial Health Office sang Negros Occidental.
Sa datus sang PHO, tig-isa ang pilason bangud sang palupok sa siyudad sang Bacolod, Sagay, banwa sang Binalbagan kag Hinigaran. Duha naman ang na record nga pilason sa siyudad sang Bago.
Isa diri amo ang pinaka una nga na report sa Negros Occidental PNP. Ang pilason amo ang tricycle driver nga si Rex Gallendo. Suno sa BagoPNP, naga inom sanday Gallendo kag iya mga himata sang adlaw sang paskwa sang hinali gin sindihan sang iya utod ang whistle bomb. Bangud sang kahulugbon, gin pudyot ini ni Gallendo kag nag lupok sa iya sini nga kamot. Gindala man siya gilayon sa ospital.
Suno kay Dr Jessica Fama, Medical Specialist 3 sang PHO, ginahaylo nila ang publiko nga ipaiway na ang pag gamit sang palupok sap ag sug-alaw sang bag-ong tuig. Kun sandig sa tradisyon gina sugata sang gahod ang New Year mag pangita sang alternatibo nga indi na mag gasto, luwas pa sa peligro suno kay Fama. Masami ang firecracker injuries sa bisperas sang New Year kag mismo sa New Year, gani suno kay Fama mahimo nga madungan pa ang gin-report nga kaso.