Maka duha ka beses nga nag buga sang abo ang bulkan Kanlaon kaina sang aga. Samtang, PHIVOLCS ang nag pa gwa naman sang Lahar Advisory kasunod sang mabunok nga ulan sa Negros.
Sa record sang Philippine Institute of Volcanology and Seismology, una nga nagbuga sang abo ang bulkan Kanlaon 5:54 sang aga kag naglawig tubtob 6am.
Ika duha nga nagbuga sang abo ang bulkan las 6:54 sang aga nag lawig tubtob 7:28am.
Suno kay Pearly Sianson, Science Research Specialist sang PHIVOLCS, wala sang may nag-report sang ash fall.
Mahimo nga wala na gid man sang ma tup-an sang abo suno sa iya bangud nga 75 meters lang man ang kataason sang pag buga humalin sa crater sang bulkan kag laban nga maga tupa ini sa upper slope sang bulkan.
Samtang, dala sang bagyo Verbena kag sang shearline nga maga tuga sang mabunok nga ulan, naga paandam ang otoridad sang posible volcanic sediment flows ukon muddy run-off kag mga kaangay nga sitwasyon sa mga kasubaan kag drainage areas sa Kanlaon.
Gina haylo ang publiko nga mas mangin mabinantayon kag mas mangin handa ang komunidad nga sakop sang mga pre-determined zone sang lahar kag iban nga volacanic hazards.
Bangud man sang inagyan sang Bayo Tino sang nagligad sa mga lugar sa naibabaw nga bahin sang bulkan kun sa diin may nagluntad na nga landslide, ang mahimo ma apektuhan liwat sang mabunok nga ulan kag may ma anod nga mga debris gani pila sa mga lugar sakop sang Bago, La Carlota City, La Castellana, Moises Padilla, San Carlos City kag Canlaon City nga malapit sa mga kasubaan ang gina paandaman.*