Nag pa gwa na sang pahayag si Presidente Ferdinand Marcos, Jr., bilang sabat sa mga pahayag nga ginbuy-an ni Vice Presidente Sara Duterte.
Maka tulublag suno sa iya ang mga nabatian sa nagliligad nga mga inadlaw. May yara sang mga pag pamuyayaw kag may yara sang mga pag pamahog nga plano nga pag papatay sa pila.
Ang kasubong nga mga kriminal nga mga tinutuyo wala dapat gina paiway suno sa presidente.
Bilang isa ka democratic nga pungsod dapat gina uphold suno sa iya ang rule of law.
Sang Sabado sa isa ka video ginsiling ni VP Sara nga indi pagkabalak-an ang iya nga seguridad bangud may nakaistorya na siya.
Kag iya na ini nga nahambalan nga kun mapatay siya patyon si BBM, si Liza Araneta kag si Martin Romualdez.
Sang Domingo nag pa gwa sang pahayag ang pila ka mga grupo nga naga pakamalaot sang pahayag ni VP Sara.
Sa isa ka official statement nga gin-release sang Partido Federal ng Pilipinas, ang partido sang Presidente, ila nga gina sikway ang tanan nga sahi sang kalakasan, mga pag pamahog kag mga aksyon nga naga guba sang safety sang mga pumuluyo kag stability sang pungsod.
“Deeply alarming” suno sa grupo ang mga pahayag ni Duterte nga naga dula sang rule of law kag naga tib-ong sang culture of lawlessness and impunity.
Ang League of Cities of the Philippines sang Domingo ang nag pakamalaot man sang mga pahayag ni Duterte nga naga butang sang safety sang mga lideres sang pungsod sa delikado lakip na ang kalinong kag ang seguridad sang bilog nga pungsod.
Sa pahayag sang presidente indi niya pagtugutan nga mangin madinalag-on nga mabutong sang mahigko nga pulitika ang pungsod.
Para kay Board Member Anton Occeno nga pamuno sang PFP -Negros ang kasubong nga mga hitabo ang naga tuga sang pag bahin-bahin kag kuntani ang bise presidente mangin responsable man sa iya nga mga pahayag. Nagpabutyag man siya sang lubos nga suporta sa presidente.
“Naga create sang pagbinulagay sang tawo, ang safety sang first family kag sang mga supporters. So that’s why bisan siling mo daw sometimes nga balatyagon ni VP pero indi siya manami kay te dapat responsable siya sang iya gina hambal. Te mga amo sina nga statement aton gid ina guro gina kondenar, indi na maayo nga hambalanon”, suno kay Occeno.