Gindismiss sang korte ang gin-file nga petition for exclusion kay Albee Benitez sa listahan sang registered voters sa Barangay Mandalagan sa Bacolod City.
Sa desisyon nga ginpagwa ni Judge Francisco Pando, wala sang valid ground para ma exclude si Benitez sa listahan sang mga registered voters kun sa diin ini naka rehistro gani gin dismiss ini bangud sang lack of merit.
Damlag pa nag file sang petition for exclusion ang mga tagreklamo nga suno sa ila mga abugado katapo sang Grupo Progreso para makakas si benitez sa sa lisatahan sang registered voters bangud sa alegasyon nga indi siya residente sang Mt. View Subdivision sa Barangay Mandalagan sa Bacolod City.
Antes sini gin petsisyonan man nila ang pag transfer ni Benitez sang iya registration sa Bacolod ugaling wala ini gin paboran sang election registration board.
Si Benitez ang naga plano nga magpa pili bilang mayor sang Bacolod kag natalana siya nga mag file sang iya nga Certificate of Candidacy sa Bacolod Comelec sa bwas.