Kaina sang aga, 22 ka mga banwa kag siudad sa probinsya lakip na ang Bacolod City ang nag suspend sang klase bangud sang orange rainfall warning ukon gina paabot mabunok nga ulan.
Paathag ni Irene Bel Ploteña ang pamuno sang Provincial Disaster Risk Reduction Management Office, light to moderate to heavy rains ang nagtupa sa nagkalain-lain nga bahin sang Negros Occidental kaina.
Padayon ang monitoring sa mga river systems pero kun magsige ang ulan gina paabot ang mahimo pag overflow sang tubig suno kay Ploteña.
Sa Escalante City sa 1:20pm nga monitoring sa Sitio Varca sa Brgy Jonob Jonob may amat amat nga pag awas sang tubig sa dalan. Pero naga pabilin na passable ini.
Sa Moises Padilla, las 10 kaina sang aga may nag langoy patabok nga 30 anyos nga lalaki sa Binalbagan River padulong sa Brgy Macagahay. Pero ini siya ang na-anod suno kay MDRRMO head Reynald Horegue. As of press time, padayon ang search and rescue operation. Suno kay Horegue light rains ang naga tupa sa Moises Padilla.
Padayon ang prepositioning sang logistics saang DRRMO. Ang water assets napadala na sa Escalante City suno kay Ploteña.
Sakop sa orange tubtob sa red rainfall warning ang Negros Occidental.
Suno kay Ploteña, sini nga semana maulanon ang panahon dala sang shearline kasubong man gina paabot ang full blast sang amihan.
Yara na sa tagsa ka local chief executive ang pagpatuman sang pre-emptive evacuation kun ginakinahanglan sang sitwasyon.
“Ma expect gid ta nga this week medyo intense gid ang aton nga mga rainfall. This is due to shearline and also kumbaga sa mga weather forecasting may ara sang full blast sang aton nga amihan sa subong nga week so ma expect gid kita nga may pag inulan gid kita sa Negros this week”, suno kay Ploteña.*
[sibwp_form id=1]