Cadiz City Mayor Salvador Escalante, Jr. nagapati nga indi na siya kinahanglan pa nga mag resign gikan sa PDP – Laban.
Ini bangud suno sa iya sang tion nga siya ang nag panumpa sa partido, wala man tigayon nga nabalik ang ila nga membership papers.
Mga isa sila ka gatos nga mga elected officials sa amo nga tion suno kay Escalante.
Sang October 2017, may 11,000 ka mga Negrense nga naga lakip sang mga local goverment officials kag barangay officials ang nagpanumpa sa PDP Laban – ang administration party sadto sa separado nga mga kahiwatan sa Victorias City kag Bacolod City.
Suno kay Escalante sa iya nga bahin sila ang ginpaidalom sa orientation antes pa man nag panumpa.
Pero wala na sang feedback sila nga nabaton gikan sa partido humalin sang ginpatigayon yadto, Wala man siya nakabaton sang membership papers.
Sang nagligad nga eleksyon nagfile sang COC si Escalante bilang UNegA.
Sang Biyernes ginsiling ni Mayor Albee Benitez nga may palaabuton nga mass resignation gikan sa katapo sang PDP.
Suno kay Benitez madamo na sang miembro sang partido ang wala na nalipay sa partido.
Damlag pa ang katapo sang Sangguniang Panlungsod sang Victorias ang nag-resign man sa partido kasunod sang plano nga mahimo si anay Victorias Mayor Francis Frederick Palanca ang iga field bulang gobernador sa 2025 nga piniliay kun kinahanglan.
“Indi man ko kinahanglan mag-resign. I think wala man ko na accept siguro. (Pero wala kamo gin-issuehan membership papers?) wala kami kabaton. Wala kami feedback, wala kami tanan”, suno kay Escalante.