Ginpulihan buno sang apat ka mga persons deprived of liberty ang isa nila ka upod sa sulod sang selda sa Negros Occidental District Jail sa Barangay Tabunan, Bago City sadtong Sabado.
Ginsiling ni Jail Chief Inspector Juniven Rey Umadhay, spokesperson sang Bureau of Jail Management and Penology-Negros Island Region nga karon, yara na sa estable nga kondisyon ang nabun-an nga PDL.
Nag-gwa sa imbestigasyon nga samtang ginhatagan sang sunning privileges ang mga PDLs, ginbuno sang apat ka mga PDL suspect ang biktima sa sulod sang iya selda, gamit ang ice pick.
Nakaangkon ang 53-anyos nga PDL sang 12 ka mga buno sa lawas. Siya ang may kaso may angut sa iligal nga droga.
Sila ang gilayon nga natambagan sang pila ka mga PDLs kag jail officers. Gin-separar sang jail management ang mga imbulbado sa insidente kag ila ginatun-an nga isaylo sila sa iban nga prisohan.
Ginpulihan sang mga suspek ang biktima bangud gin-alegar gin-kwestyon sang biktima ang grupo sang mga PDLs sa NODJ kung paano nila gingasto ang kwarta nga para sa kabilugan nga PDLs, sang tion nga ginapahanugotan pa ang kwarta sa sulod sang jail facility.
Duha sa mga suspek nga PDLs ang may kaso nga murder, samtang ang duha ang nagapangatubang sang kaso may angut iligal nga droga.
Padayon karon ang criminal investigation sang PNP sa insidente kag may ginapatigayon man nga parallel investigation ang BJMP sa administrative liabilities sang mga imbulbado nga PDLs.
“So ang administrative, pwede sila ma-penalty of disqualification from Good Conduct Time Allowance, temporary or regulated na ang ila visitational rights kag ila mga privileges sa sulod sang aton nga jail.”, suno kay Umadhay.*