Isa ka illegal drugs watchlist sang mga drug personalities kag drug group kinahanglan sang Philippine Drug Enforcement Agency kag negros occidental police provincial office para sa drug clearing operation.
Sa record sang PDEA, as of December 2021, may 51.68 percent nga drug cleared ang Negros Occidental samtang 21.31 percent naman nga drug cleared ang Bacolod.
Ang Poja drug group kag Cuadra drug group ang duha lang sa mga ginakabig neutralized drug group sa probinsya sang PDEA Negros Occidental.
Pero indi malipod nga madamo gihapon sang mga drug personalities,kalabanan diri bag-o lang na release sa bilangguan nga amo ang nagabulos kag nagapadayon sa iligal nga hilikuton.
Suno kay Agent Bamboo, team leader sang PDEA sa probinsya, isa ka workshop ang natalana sa tunga sang ahensya kag Negros Occidental Police Provincial Office agud nga mapat ud ang mga nabilin nga drug group kag drug personalities sa isa ka harmonize drugs watchlist.
Diri man magabase ang pdea para sa deliberation sang drug clearing operation sa mga kabarangayan.