Ang Philippine Charity Sweepstakes Office ang naghinyo sang suporta sang top provincial government officials para sa Small Town Lottery.
Ang STL sa probinsya ang gina operate sang Super Lucky Beagler, Inc.
Sa sulat ni PCSO Negros Occidental Manager Jose Manuel Villagracia kay Governor Eugenio Jose Lacson kag Vice Governor Jeffrey Ferrer, iya ginsiling nga magluwas sa Super Lucky Beagler, Inc., ang iban pa nga naga operate sang STL ang iligal na, kasubong na lamang sang “New STL”.
Ang Super Lucky Beagler ang authorized agent corporation sa Negros Occidental kag Bacolod City nga na designate sang PCSO.
Ang STL isa sa legal and authorized number games sa bilog nga pungsod sang PCSO.
Dugang pa ni Villagracia, ang kadalag-an sang legal STL games ang makabulig sa national government sa pag kuha sang dugang nga charity funds kag mas madamo pa gid ang tigayon nga mabuligan sa medical kag charirty assistance work sa mga wala sang sarang.