Kanday Bago City Mayor Nicholas Yulo kag Talisay City Mayor Neil Lizares ang pinaka ulihi nga nag pabutyag sang ila nga suporta sa Lacson-Ferrer tandem sa 2022 elections.
Suno kay Mayor Yulo, si Lacson kag Ferrer ang nagdala sang pagtin-ad kasubong man programa nga nabatyagan sang mga Negrense.
Suno naman kay Mayor Lizares, nangin maayo ang tandem sang duha kag nakita niya ang pagpamuno ni Lacson sa tunga sang pandemic sa karon.
Damlag pa nagpahayag na sang suporta sa Lacson-Ferrer tandem kanday Mayor Renato Gustilo, Mark Golez, Alejandro Mirasol, Marxlen Dela Cruz, Raymund Tongson kag Rhumyla Nicor-Mangilimutan.
Ginapasalamatan naman ni Governor Lacson ang suporta nga nahatag sa ila kag nagapati siya nga bunga ini sang nangin maayo nga relasyon nila sa tagsa ka local government unit.
Iya ginapasalamatan ang pagsalig nga nahatag sa ila.
Sa bahin sang Philippine Councilors League, ginsiling ni Board Member Ryan Gamboa, ang presidente sang PCL sa probinsya, nga sila ang naga suporta sa ginkasugtan nga merger sang duha ka grupo.
Natalana pa nga magpa gwa sang official statement ang PCL bahin diri.
Isa ka pagtililipon sang katapo sang pcl ang ginpatigayon sini nga adlaw sa pagbukas sang Philippine Councilors League kun sa diin isa man ka moa signing ang ginpatigayon.
Nagbaton ang PCL sang isa ka milyon ka pesos nga budget gikan sa probinsya bilang suporta sa mga programa sini para sa PCL week.